НЕЗАВИСНА ГРАЃАНСКА ЛИСТА ЗА ЛОКАЛНИТЕ ИЗБОРИ 2021

Новости

„Шанса за Центар“ ги собра потребните потписи

„Шанса за Центар“ го собра потребниот број потписи за да оди на избори. Тие ги доставија до Државната изборна комисија. Тие и официјално се учесници на престојните локални избори. Сметаат дека на изборите ќе покажат дека може различно од она што досега се гледало во скопски Центар. Потписите ги собраа три дена. „Шанса за Центар“ е граѓанска иницијатива која произлезе од поврзувањето на Здравје пред профит со повеќе жители на Центар,активисти и експерти од областа на архитектурата, урбанизмот, животната средина, спорт, култура и други области кои сакаат да го спречат натамошното уништување и да се вложат за подобрување на животот во нашата општина. „Како независна граѓанска листа ќе се бориме Центар да добие нова шанса! За Центар како општина по мерка на граѓаните, каде политиките се кројат транспарентно и според факти, а квалитетот на живот е појдовен принцип на размислување и делување. Ќе инсистираме идните планови да не се изработуваат зад затворени врати и во интерес на само малкумина. Плановите мора да бидат резултат на анализи, по мерка на жителите и со приоритет на заедничкиот пред личниот интерес. Тие мора да се спроведуваат правично и законски, еднакво за сите, без „попусти“ за никого. Пристапот кон информации за секој план и секоја дозвола не смее да биде загрозен. Нашата цел се потребите на граѓаните. Нивното право на чист воздух! Нивното право на безбедно и достоинствено урбано живеење. Да дадеме шанса да се направи различно. Преку советот на општината имаме шанса да влијаеме за одржливо решение за финансирање на нашата општина, различно од сегашното каде главен извор на пари се приходите од градењето на згради или продажба на земјиште за градење“, објавија тие.

Поднесена независната граѓанска листа „Шанса за Центар“

Граѓанската иницијативата „Шанса за Центар“ од утре ќе собира потписи за учество со независна граѓанска листа за општина Центар за претстојните локални избори. Платформата денеска ја претставија поранешната претседателка на Советот на Општина Центар Јана Белчева-Андреевска, која ја предводи листата и кандидатите за советници Дивна Пенчиќ и Јане Димески. „Шанса за Центар е граѓанска иницијатива која произлезе од поврзување на „Здравје пред профит“ со активисти и експерти од областа на архитектурата, урбанизмот, животната средина, спортот, култура и други области, кои сакаат да го спречат натамошното уништување и да се вложат за подобрување на квалитетот на живот во општина Центар“, велат од иницијативата. Постапката за собирањето потписи на избирачите за кандидирање на локалните избори започнува утре согласно Роковникот на Државната изборна комисија, а завршува на 30 август на полноќ. Потписите се собираат пред службените лица на ДИК и пред надлежен нотар на образец утврден од Комисијата во терминот од 8 до 20:00 часот, а на 30 август до полноќ.

Предлагаме општината конечно да објави контакти од секторите и раководителите за граѓаните да можат да се обраќаат. Градоначалникот „држи лекција“ дека контактите се на сајтот, а ние само критикуваме. Излегува, документот е прикачен 15 мин. пред седница🙃 https://www.facebook.com/ShansaZaCentar/posts/357893246349094

‼️ Нов удар врз борбата за запирање на неконтролираното градење и „бетонизација“.
Министерството за транспорт си донесе измени во Правилникот за урбанистичко планирање со што ги оневозможува корекции и подобрувања на урбанистичките планови. #НаследениПрава https://samoprasaj.mk/naacik/2350-vlasta-so-pravilnik-ja-vrati-betonizacijata-na-skopje-na-maksimum

„Шанса за Центар“ е против узурпирање на јавен простор за приватни цели како дворовите на училиштата, а Левица да се извини за ширењето лаги! https://m.facebook.com/story.php?story_fbid=350809060390846&id=100063852649372

🚴🚴‍Убавото време ја отвори главната сезона за возење на велосипеди, а од денеска е објавен и овогодинешниот повик на Општина Центар за субвенцирање на набавка на нов велосипед. Ако размислувате да се подновите со нов🚲прочитајте за субвенциите: 👇https://www.centar.gov.mk/?p=14977

Јавното обвинителство подигна обвинение за бесправно градење против едно физичко и едно правно лице за градбата која и покрај забраната се градеше на местото на поранешно Беко: https://jorm.gov.mk/podneseno-obvinenie-za-bespravno-gradene-vo-czentar/

„ Не најдовме и не ги научивме лекциите дека сите заедно треба да градиме подобар град. Сведоци сме на насилно заземање на нешто што некој мисли дека го добил со исцртување на некои урбанистички линии“. Погледнете го разговорот со советничката Дивна Пенчиќ https://www.youtube.com/watch?v=ClNlI_E3GOE

Јана Белчева: Нов ДУП, разработка за вградување на конкурсниот труд, но претходна суспензија на постоечкиот план е единствено решение за „Треска“ https://skopskoeho.mk/jana-belcheva-nov-dup-razrabotka-za-vgraduvanje-na-konkursniot-trud-no-prethodna-suspenzija-na-postoechkiot-plan-e-edinstveno-reshenie-za-treska/ via @СКОПСКО ЕХО

Пожар во Треска - огнот изгаснат, сомнежите разгорени. Нашиот советник во Општина Центар, Јане Димески ги аргументира нашите позиции за „Треска“ - зошто е потребно да се објави и спроведе конкурсното решение за уредувањето на оваа голема локација во Центар https://www.youtube.com/watch?v=d9uvvU_tsLo

„Неодржување на изложбата е пред сé удар на Вашиот кредибилитет како Градоначалник, директно омаловажување на Советот кој ја донел одлуката, градоначалникот кој го потпишал и го објавил конкурсот, комисијата... учесниците, понижувачки однос кон стручната фела, и кон граѓаните...

Шанса за Центар@ShansaZaCentar

За она што го пишуваме за „Треска“ потврда и од архитект Миодраг Радоњиќ – Бато, претседател на стручната комисија која ги оценуваше трудовите добиени на конкурсот. Прочитајте ги неговите аргументи: https://porta3.mk/miodrag-radonjikj-bato-so-struchni-argumenti-go-demantira-gradonachalnikot-gerasimovski-za-negovite-stavovite-izneseni-za-konkursot-treska/

Втор пожар во фабриката „Треска“ за седум месеци, периодот помеѓу преполн со обвинувања и закани за тужби

#пожар #фабрикаТреска #обвинувања #ДУП @ShansaZaCentar

https://meta.mk/vtor-pozhar-vo-fabrikata-treska-za-sedum-meseci-periodot-pomegju-prepoln-so-obvinuvanja-i-zakani-za-tuzhbi/

ВОЛОНТИРАЈ ВО КАМПАЊАТА

Доколку сакаш да ни помогнеш во кампањата, а сметаш можеш да придонесеш со своето залагање и работа во тим, пријави се за волонтер во кампањата на незаисната граѓанска листа Шанса за Центар. Потребни ни се динамични и исполнителни луѓе, комуникативни и отворени, по можност со познавање на маркетинг, управување со податоци, пишување, теренска работа.